Хэдэн тэрбум хүн болон үр хойч маань амь амьдралаа алдаж магадгүй болчихоод байгаа учраас энэ гарц шийдлийг хүмүүс ойлгож мэдэхэд туслана уу. Энэ сайтыг аль болох олон хүнд, найз нөхөд, гэр бүлийнхэн, урлаг спортын одод, ток шоу зохион байгуулагч, найруулагч нар, орон нутгийн хэвлэл мэдээлэл, эмч эмнэлгийн ажилтнууд, тамирчид, төрийн албан хаагчид, блогчид, нийгмийн зүтгэлтэн, төрийн бус байгууллага гээд бүхий л хүмүүст чадах чинээгээрээ илгээнэ үү. www.vegesos.mn

Энэ бол үнэндээ их амархан: хичээгээд л байвал өөрийн чинь төрөлх зан мэт болчихно. Оролдож, хэрэгжүүлж үзэхгүй бол энэ чанар дотоодод чинь хэзээ ч ахин сэргэхгүй. Цагаан хоолыг та нар идэх гэж оролдоод үзсэн, одоо мөн чанар тань болсон. Та нар одоо бол мах идэж чадахгүй, хүмүүс та нарт хүчээр тулгаад ч, хөрөнгө мөнгө амлаад ч та нар идэж чадахгүй. Одоо энэ та нарын зуршил болсон, зан чанар чинь болсон. Мөн та нар энэрэнгүй хүнс, цагаан хоолыг оюун ухаандаа шингээн ойлгосон учраас энэ шийдвэрээ хатуу баримталж байгаа. 

 Багш гэдэг бол гарал үүслээ мэддэг, энэ мэдлэгээ үүнийг эрж хайж байгаа хүмүүстэй дуртайяа хуваалцаж, энэ ажлынхаа төлөө төлбөр төлөөс авдаггүй хүмүүс. Тэд хамаг цаг хугацаа, хөрөнгө мөнгө, хүч энергиэ энэ ертөнцөд зориулдаг юм. Ур чадварын энэ төвшинд хүрмэгцээ бид өөрсдийн уг гарлаа мэдээд зогсохгүй бас бусдад өөрсдийн жинхэнэ үнэ цэнээ таньж мэдэхэд нь туслаж чаддаг...

Ихэнх хэрэглэгчид амьтны өдийг хэрхэн зулгаадаг талаар ямар ч төсөөлөл байдаггүй. Хэрэв хүмүүс өдөн эдлэлүүд худалдан авсаар л байвал амьтдыг зулгаах нь үргэлжилсээр л байна. Энэ байдлыг зогсоох цорын ганц арга зам бол өд сөдөт эдлэл худалдан авахаас татгалзах явдал юм.

7 хоног амьд амьтныг өд зулгаах энэрэлгүй, ухаан санаанд багтамгүй практикийг авч үзэж байгаа билээ. Хэдийгээр дэр, хүрэм, аяны хөнжил бусад ая тухыг хангасан бараанд зөөлөн тусгаарлагч болж өгдөг өргөн хүрээний нийлэг материал байгаа ч зарим үйлдвэрүүд энэрэх сэтгэлгүй үйлдвэрлэгддэг нугас галууны цээжин биен дэх өд багатай зөөлөн хэсэг болох сөдийг үргэлжлүүлэн хэрэглэсээр л байна. Өд нь шувууны төрлүүдэд үнэхээр ер бусын чухал зүйл ба нисэхэд нь дэм болж, тэдний арьсыг нарны хэт ягаан туяанаас хамгаалж, хэрэгтэй үед нь дулаахан байлгаж мөн үзэсгэлэнтэй гоёмсог байлгадаг зэрэг олон талын үүрэгтэй байдаг. Өмнөх зууны үеүдэд сөд болон өдийг нугас галуу өндгөө дарж байгаад явсан хойгуур нь авч цуглуулдаг байжээ. Харин одоо ихэнх сөд, өднүүдийг нугас галууны мах,элэг, элэгний нухаш зэргийг бэлтгэх гэж бордох зуур хүнлэг бусаар амьдаар нь зулгаах замаар салган авч байна.

 

Леонардо да Винчи, Чарльз Дарвин, Бенжамин Франклин, Лев Толстой, Жорж Бернард Шоу, Махатма Ганди, Исаак Башевис Сингер, Альберт Эйнштейн зэрэг сод хүмүүс өөрийн үзэл баримтлал, бие махбодийн шалтгаанаас болоод мах иддэггүй байжээ. Өдөр ирэх бүр олон хүн үүнтэй санал нэгдэж байна.

Бид хүмүүс яагаад махнаас татгалзах болсон шалтгаан болон энэ хандлага хэрхэн хөгжиж ирснийг авч үзье.МЭӨ 530-аад онд Грекийн гүн ухаантан Пифагор шавь нартаа яагаад мах идэхгүй байхыг сургаж байсан нь одоо хүртэл тодорхойгүй бөгөөд тэд шош, замбага цэцэгний үр ч иддэггүй байжээ. Тэд хүн төрөлхтөн “туйлын үнэнд” зөвхөн шинэхэн зүйлсийг идэж хэрэглэснээр хүрнэ гэдэг байв. Хүнсний ногоо, жимс жимсгэнэ, үр тариаг хөрснөөс сугалж авсан ч амьдралын энергитэй байдаг (үрсэлж, боловсордог) байхад мах муудаж эхэлдэг учир ногоо илүү эрүүл хүнс гэж сургадаг байжээ. Тэдэнд Египетийн лам нар нөлөөлсөн гэж үздэг. Хожим Платоноос эхлээд Эпикурос, Плутарх зэрэг Грекийн хэд хэдэн гүн ухаантнууд цагаан хоолны талаар сургадаг байжээ.